assadaassiasi

أنا وأبي حفظه الله هنا منطقة أسكاون لموت نوصميد

0 34
أنا وأبي حفظه الله 🤲 هنا منطقة أسكاون لموت نوصميد ، هنا منبع الصميقلي آعشيري ، جينا مكبطين من كازا زعما ، لكن لبس المدينة مدار معانا والوا في هاد القمة الجبلية المجانبة لجبل سيروا ، حاليا ضربنا فوق لبس المدينة جوج جلالب وسلهام منسوج بصوف الأكباش ويلاه يلاه 🥶
بصراحة مابقا فيا فهاد القبيلة بزاف غالعيالات ، لأنهم كايفيقوا صباحا كايكربلوا الزعفران ويحطبوا ويشطبوا للبهايم في درجة حرارة أقل من الصفر ، انا والله مانقدر نحرك صباعي في هاد الدوار ، أما التلاميذ هنا كايديو معاهم إيفسكي ( عشبة ) للقسم مع الصباح ، كايشعلوا فيه العافية باش يدفاو ويلاه يقدر يحركوا صباعهم ويكتبوا بالستيلوا ، في الحقيقة هنا المعيشة قاصية جدا ، ولكن ماآثار انتباهي هو الناس هنا فرحانة وتبتسم من أعماق قلبها ولا تبالي لا بالحقوق ولا بالتغيرات الإقتصادية العالمية ، هنا الساكنة همها بسيط جدا و هو ضمان قوت يومها فقط ، أما الصحة والتعليم فهم يئسوا منها ، فأغلبهم مستوى دراسي سادس إبتدائي نظرا لانعدام الإعدادية والبنية التحتية والنقل المدرسي ، أما الصحة فمن ابتلي منهم بمرض أو حادثة فوجهته السفر نحو المجهول للبحث عن العلاج أو لقائه بملك الموت ليخفف عنه الآلام ، فياربي كن لهم عونا ونصيرا 🤲
حاليا قافلة ارحموا من في الأرض يرحمكم من في السماء ستحط الرحال بهاته المنطقة الصعبة ، إسمها بالأمازيغية أسكاون بالعربية هي الكرون ، يعني نتواجد بالعلو يعني بقرن الدنيا ، بعد زيارتي للمنطقة ومعاينتي لها سيأتي العمل في الميدان ان شاء الله ، لكانت شي جمعية قادرة تعاون معانا نديروا معاها شراكة لأن الخصاص والتهميش هنا مهول ، لأنه نحتاج حاليا لبناء أقسام للتلاميذ وتوزيع مساعدات غذائية على الأسر وخلق مشاريع اقتصادية ، من له القدرة والإستعداد للسفر معانا في قافلة ارحموا من في الأرض يرحمكم من السماء فليتواصل معانا لأنه الخصاص كثير وعطا الله مايدار ان شاء الله ☝️ :
رقم هاتف جمعيتنا أفتاس : 0709041405
قسما بالله يالإخوان هادشي كايقطع في القلب ، والقسم جراشم ماعندوش ، التلاميذ مكرفصين بالبرد ، مهم جهدنا نديروه والتوفيق من الله
اترك رد

لن يتم نشر عنوان بريدك الإلكتروني.